လွှတ်တော်အဆောက်အအုံသစ်ထဲက
အစိုးရအသစ်ချပ်ချွတ်ရဲ့
ဦးနှောက်အဟောင်းတွေထဲမှာ
နှလုံးသားအတုတွေထဲမှာ
အယောင်ဆောင်အပြုံးတွေထဲမှာ
နိုင်ငံ့ကျေးဇူးရှင်
ဗိုလ်ချုပ်ရဲ့ ပုံလွှာဟာ မှေးမှိန်ပျောက်ကွယ်နေပေမဲ့ . . .
ငါရဲ့ ရင်ထဲမှာ ငါရဲ့
အသွေးထဲမှာ ငါရဲ့ နှလုံးသားထဲမှာ
ဗိုလ်ချုပ်သွေးနဲ့ရင်းခဲ့တဲ့
လွတ်လပ်ခြင်းဟာ
တစ်သက်တာစီးမျောရှင်သန်နေသရွေ့
မြန်မာနိုင်ငံရဲ့
လွတ်လပ်ရေးဗိသုကာ ဗိုလ်ချုပ်အောင်ဆန်းနဲ့ သူ့ကျေးဇူးကို
ငါဘယ်တော့မှ
မမေ့ဘူးလို့ သစ္စာပြုတယ်။
၁၉၄၇ခုနှစ်၊ ဇူလိုင်လ
၁၉ ရက်နေ့မှာ ကျဆုံးခဲ့ကြတဲ့
ဗိုလ်ချုပ်အောင်ဆန်းနဲ့တကွ
အာဇာနည်၉ဦးနဲ့အတူ
ယုံကြည်ချက်အတွက်
လွတ်လပ်ခြင်းအတွက် အသက်ပေးသွားကြတဲ့
ခေတ်အဆက်ဆက်က အညတြ
အာဇာနည်ပေါင်းများစွာကို
ငါ ဒီနေရာကနေ
ဦးညွှတ်အလေးပြုတယ်။
အာဇာနည်တွေအားလုံး
ကျွန်ုပ်တို့တွေရဲ့ ရင်ဘတ်တွေထဲမှာ ထာဝစဉ်ရှင်သန်နေကြမှာပါ။
မောင်ပုကီ | ၁၉ရက်
ဇူလိုင်လ ၂၀၁၁ ခု။
No comments:
Post a Comment